Inzan – Proverbes kabyles se référant aux plantes

 Découvrez le livre Imghan n Tensawt

 

Si tassaft i d-giɣ asɣaṛ, mači d ddarya uɣanim

Ur ttili d-tazert a k-ččen, ur ttili d-ilili a k-ɣunfen

Ma ur teẓẓid tessirt, inas ma d-yeɣli wewren

Axir ad yeqqim d’asuki, wala a tyekrez yir ufellaḥ

Win yebɣan lǧǧennet, issew qeḍṛan d ilili

A wer d-yeǧǧ yiger-ik asennan, ma yeǧǧa-t-id ad temegreḍ-t

Ur yettxalaf mejjir aẓar

Acu tefeẓeḍ aɛemmi ? d lazuq n yilindi

Yal yiwen yeqqar d-ibawen-iw I yettewwan

Tizemrin nesɛa, maɛna laɛmer uriwent

Qeḍṛan mi yezwar s-imi, tamment ma tegra-d iwumi ?

Tenna-y-as teselent I tgelzimt: a tagelzimt tqerḥed-iyi, a kem ɣiḍeɣ
terra-y-as-d tgelzimt: a weltma afus s-gem?

Tfuḥ taga, ewwan ibawen

Ur ttamen ara s uzberbur, ama yegzaw ama yeqqur

Win yewwi wasif, ad yeṭṭef deg umagraman

Yenna-y-as uɣyul, ǧǧ-i-yi kan ad tserseɣ icenfiren-iw af temẓin

Axxam-is ur s yezmir, lǧamaɛ yeṭṭef-as amezir

Izzenz amgud, yuɣ aḥriq – amgud (verger), aḥriq (boqueteau)

Aɣyul ma yenṭi ar iger, mkul ass ad yesniger

Win yesɛan irden, reṭṭel-as awren

Tenna-y-as ccetwa I wexlenǧ, semlil-i-tt, neɣ ad semlileɣ

Ad yekker usalas seg umagraman

Affar ffer-it, ifilku zzez-it

Akken yecbec iyerzeg ilili

Ayen yelhan d’uzzal, ayen n dir d uffal

D agudu I yessenkaren imɣi

Fres tazemmurt ad tuseqqi tarbut

Irden mi wwan, heggit imegran

Iruḥ ad ileqqem, yufa anebdu yeḥḍem

Lemmer takerza s wallen, win tufiḍ ad yesserwet

Lemmer tent-yessiḍin ufellah, ur tent-ikerrez-ara – ssiḍin=ḥseb

Lxir d uzzal, cceṛ d uffal

Mi tenger teslent ad teg aggersa

 

Sources:
“Proverbes berbères de Kabylie” / Sakina Aït Ahmed-Slimani / Edition L’Harmattan /1996
“Recueil de proverbes berbères” / Abdennour Abdesselam / ENAG Editions / 2010

 Découvrez le livre Imghan n Tensawt